الأسئلة الشائعة

نحن نعتمد على مجموعة متنوعة من النماذج الرائدة (Frontier Models) بما في ذلك Claude 4.7 Opus و Gemini 3.5 Pro. ويعتمد هذا الاختيار على المتطلبات المحددة لكل مشروع؛ على سبيل المثال، نستخدم نموذج Claude لمهام البرمجة والتفكير المعقد، في حين نفضل غالباً نموذج Gemini عندما يتطلب الأمر نافذة سياق ضخمة (Massive Context Window). كما يتابع فريقنا باستمرار مؤشرات الأداء (Benchmarks) على منصات مثل LMSYS Chatbot Arena لنبقى على اطلاع دائم بالنماذج التي تقدم أفضل أداء حالياً لمهام برمجية معينة.

لا، مش مباشرة. الـ quote builder أداة cadrage : ياخذ brief متاع مشروعك في حوالي 5 دقايق (ما يورّيش حتى سومة). من بعد نديرو مكالمة قصيرة مع بعضنا و أسامة يبعثلك الـ estimation مفصلة حسب اللي عبيتو. هكا الرقم يبقى دقيق، مش تخمين من formulaire.

كل مشروع مختلف، السومة تتحدد حسب الحاجات متاعك. الفلو ساهل : تعمر الـ quote builder (5 دقايق تقريبا) باش نعرفو الـ scope، نديرو مكالمة قصيرة مع بعضنا، و من بعد نبعثلك estimation مفصلة. بلا التزام و بلا frais مخفية.

الديفي يتعلق بثلاث حاجات : حجم المشروع (الـ fonctionnalités و الـ pages)، التعقيد التقني (IA، automatisations، backend)، و الوقت. الـ quote builder ياخذ كل هاذم المعلومات في الأول، و من بعد نتفاهمو عليها في مكالمة قصيرة قبل ما نبعثلك الـ estimation النهائية.

الخلاص يتقسم على مراحل، عادة avance في البداية و من بعد خلاص في كل livraison مهمة. نقبل virement bancaire و أغلب طرق الخلاص العالمية. نتفاهمو على الـ planning كامل قبل ما نبداو.

إيه، المشاريع تبدا بـ avance (عادة بين 30 و 40 بالميا من المبلغ الكلي). يحجزلك بلاصة في الـ planning و يغطي phase الكيكوف. الباقي يتخلص على مراحل.

لا. الديفي يغطي كل اللي اتفقنا عليه. كان جا شي خارج، نتفاهمو و نحطو سومة منفصلة قبل ما نخدمو. ما فما حتى مفاجأة.

تتفاوت تكلفة روبوتات المحادثة المخصصة بالذكاء الاصطناعي بشكل كبير بناءً على نطاق العمل. قد تبدأ تكلفة الأدوات الداخلية البسيطة من حوالي 3,000 دولار، في حين أن الحلول متوسطة المستوى التي تتضمن عمليات ربط مع منصات خارجية (Third-party integrations) تتراوح عادةً بين 3,000 و 5,000 دولار. أما بالنسبة لحلول المؤسسات الكبرى التي تتطلب ضبطاً دقيقاً (Fine-tuning) لنماذج اللغات الكبيرة (LLM)، وربطاً معقداً بقواعد البيانات، وامتثالاً صارماً لمعايير الأمان، فقد تتجاوز تكلفتها 10,000 دولار. وتغطي هذه المبالغ مراحل الدراسة الأولية (Discovery)، تصميم الهيكلية، التطوير، واختبارات جودة الأداء الأساسية.

أربع مراحل : kickoff (نتفاهمو على objectifs و scope و direction design)، build (sprints itératifs مع previews دائمة)، review (تختبر، تعطي feedback، و نضبطو)، و launch (déploiement، formation كان لزم، و remise des clés). عندك رؤية في كل مرحلة.

عادة نستعملو canal مشترك (WhatsApp ولا Slack ولا email، كيما تحب) للرسايل اليومية، و point في الجمعة (تقريبا 30 دقيقة) باش نراجعو الـ avancement و القرارات. asynchrone في الأول، مكالمات وقت اللزوم.

الـ révisions جزء من الـ process : في كل sprint ولا مرحلة تعطي feedback و نزيدو نخدمو حتى يجي الـ livrable كيما اتفقنا. ما فما حتى plafond. التبديلات الكبيرة في scope (fonctionnalités جداد، تغيير direction) يتحسبو منفصلة.

عادة ما يصرش هكا لأنك تشوف و تأكد في كل مرحلة (design، build، finition). كان شي حاجة ما عجبتكش، نلقاوها بكري و نضبطوها. الـ process itératif يجنبنا المفاجآت في الآخر.

أنا من تونس، أما نخدم à distance مع clients في أوروبا و شمال إفريقيا و الشرق الأوسط. الفارق في الوقت مع أوروبا يخلي التعامل اليومي ساهل.

ثلاث لغات : أنڨليزية و فرنسية و عربية (الدارجة التونسية معاهم). documentation المشروع و المكالمات و الـ livrables يتعملو في أي لغة، ولا متخلطين كان équipe متاعك multilingue.

100 بالميا à distance بـ défaut، هكا تخدم كل مشاريعي اليوم. الـ déplacements في الـ site يبقاو ممكنين في تونس ولا أوروبا لـ kickoff ولا workshop، مع frais de déplacement على الكليان.

إيه، الـ NDA حاجة عادية، خاصة في مشاريع IA و outils internes و données حساسة. ابعتلي اللي عندك ولا نقدر نشاركك template bilatéral بسيط. نمضيو قبل ما نتبادلو شي حاجة حساسة.

خمس axes كبار : développement web و apps (sites vitrines، SaaS، mobile، dashboards)، IA générative (chatbots، génération contenu، تحليل données)، automatisation (workflows، intégrations)، e-commerce و marketplaces، و conseil (SEO، audits، maintenance، consulting tech).

إيه. الـ cross-platform (React Native ولا Flutter) هي الخيار الأساسي لأنها أسرع و تغطي الجوج stores. الـ natif يبقى ممكن كان المشروع يستلزمها. نتفاهمو على الخيار المناسب في مكالمة الـ cadrage.

إيه، دمج IA من الخدمات الأساسية. حالات معروفة : chatbot مدرب على données متاعك، génération contenu ولا documents، بحث و recommandations، automatisation للمهام المتكررة. نبداو بـ audit سريع باش نلقاو وين الـ IA تجيب valeur حقيقية مش بُز.

إيه. تنجم تاخذ forfait mensuel (يغطي mises à jour، patches de sécurité، تعديلات صغار و support prioritaire)، ولا تخلص حسب كل intervention. نتفاهمو في phase de launch حسب الـ usage متاعك.

الـ bugs اللي تخص خدمتنا نصلحوها مجانا في فترة الـ garantie (عادة 30 يوم بعد launch). من بعد، التصليحات تتغطى بـ forfait maintenance ولا تتحسب حسب كل intervention. في كل الحالات نجاوب بسرعة.

إيه. كل مشروع يجي معاه 30 يوم garantie من بعد launch. كل شي ما يخدمش كيما اتفقنا يتصلح بلا frais في هاذي الفترة. من بعد، forfaits maintenance يدخلو في الخدمة.

أكثر شي Next.js و React في frontend، Node و Firebase ولا backends customs في serveur، Tailwind للـ style، و outils كيما Genkit ولا OpenAI للـ IA. اختيار الـ stack دايما يتعلق باللي يخدم مشروعك مش بالـ mode.

ليك. الملكية الكاملة للكود ترجعلك في آخر المشروع (ولا في كل paiement de jalon، حسب اللي نتفاهمو عليه). الـ repos، الـ comptes، accès d'hébergement، كل شي يجيك.

إيه. الـ setups المنصوحة هي Vercel ولا Firebase Hosting ولا VPS dédié حسب المشروع. نقدر نركب الاستضافة على حسابي (مع frais صغار للـ gestion)، ولا على حسابك و نوريك كيفاش تعمل déploiement. كيما تحب.

الوقت يتعلق كليا بحجم المشروع و التعقيد متاعو. الوقت الدقيق نعطيهولك في مكالمة الـ cadrage، كي نكونو نعرفو شنوا تحتاج بالضبط. ما نعطيش تخمين بلا معلومات.

مين تتأكد الديفي و توصل الـ avance. كان planning متاعي مشحون نقولك من البداية باش نلمو تاريخ بداية معقول. ما نبداوش قبل ما تكون عندك رؤية كاملة على الـ planning.

إيه، كان planning يسمح. المشروع المستعجل يستلزم rythme أكثر و سومة زايدة شوية (rush fee) فوق الديفي العادي. أحسن حاجة تذكر الـ deadline من البداية باش نأكدلك feasibility.